Një zjarr ka përfshirë një banesë në lagjen nr. 4 të qytetit të Pogradecit. Sipas raportimeve paraprake, flakët kanë shpërthyer në një nga shtëpitë kolektive, duke krijuar panik te banorët e zonës.
Zjarrfikësja ka mbërritur në vendngjarje dhe po punon intensivisht për izolimin dhe shuarjen e flakëve. Fatmirësisht, familjarët që ndodheshin në banesën ku nisi zjarri kanë arritur të dalin të sigurt.
Për shkak të përmasave të zjarrit dhe rrezikut për përhapje, policia po evakuon edhe banorët e tjerë të ndërtesës. Shkaku i zjarrit ende nuk dihet, ndërsa autoritetet po vijojnë hetimet. Ngjarja ka krijuar shqetësim të madh mes banorëve të zonës.
