ELBASAN- Ka përfunduar verifikimi i 94 kutive të Peqinit dhe Gramshit ndërsa procesverbalet e konstatimit do i vihen në dispozicion Partisë Demokratike-ASHM.
Këta të fundit pritet të bëjnë analizën e gjetjeve dhe më pas kërkesat që kanë do të duhet t’i paraqesin në seancën e radhës së Komisionit të Ankimimeve dhe Sanksioneve (KAS).
Sipas informacioneve paraprake nga rinumërimi rezultuan 15 fletë votimi me një vulë dhe jo me dy, siç e parashikon rregullorja e KQZ-së.
Ndërkohë, ditën e nesërme rinis procesi me rinumërimin e votave të qarkut Tiranë ku gjatë procesit të verifikimit vëzhguesit e PD konstatuan disa parregullsi.
