INDONEZI- Një ngjarje e rëndë ka ndodhur në Indonezi ku një shkollë është shembur dhe ka lënë pas tre të vdekur dhe 65 persona të tjerë nën rrënoja. Numri i të vdekurve pritet të rritet, pasi paqëndrueshmëria e ndërtesave në qytetin e Javas Lindore po pengon përpjekjet e shpëtimit.
The Guardian raportoi se të paktën tre nxënës janë vrarë, dhjetëra të tjerë janë plagosur dhe 65 të tjerë dyshohet se janë nën rrënoja. Ekipet e shpëtimit të cilët po u jepnin oksigjen dhe ujë të mbijetuarve, mbetën të bllokuar për 12 orë. Ekzekutivët e shpëtimit, policët dhe ushtarët nxorën tetë të mbijetuar dhe të plagosur disa orë pasi ndërtesa në shkollën islamike, në qytetin Sidoarjo të Javas Lindore u shemb, ndërsa nxënësit po luteshin.
Familjet e nxënësve u mblodhën në spitale dhe pranë ndërtesës së shembur, duke pritur me padurim lajme për fëmijët e tyre. Të afërmit qanin ndërsa shikonin ekipet e shpëtimit të nxirrnin një nxënës të pluhurosur dhe të plagosur nga salla e varrosur e lutjes.
“O Zot i madh… djali im është ende i varrosur, o Zot i madh të lutem më ndihmo!” thirri një nënë me të madhe kur pa emrin e fëmijës së saj në tabelën e emrave që ishin nën rrënoja.
Pllakat e rënda të betonit dhe rrënojat e tjera, si dhe pjesët e paqëndrueshme të ndërtesës penguan përpjekjet e kërkim-shpëtimit. Pajisjet e rënda ishin në dispozicion, por nuk po përdoreshin për shkak të shqetësimeve se mund të shkaktonin shembje të mëtejshme.
“Ju lutem, zotëri, ju lutem gjeni fëmijën tim menjëherë,” thirri një baba, duke mbajtur dorën e njërit prej anëtarëve të ekipit të shpëtimit.
Disa qindra shpëtimtarë u përfshinë në këtë përpjekje dhe kishin pajisje për frymëmarrje, nxjerrje, evakuim mjekësor dhe mjete të tjera mbështetëse. Nxënësit po kryenin lutjet e pasdites në një ndërtesë që po i nënshtrohej një zgjerimi të paautorizuar kur ajo u shemb papritur mbi ta, tha zëdhënësi i policisë provinciale Jules Abraham Abast.
Banorët, mësuesit dhe administratorët ndihmuan nxënësit e plagosur, shumë prej të cilëve ishin me lëndime në kokë dhe kocka të thyera. Autoritetet po hetojnë shkakun e shembjes.
