Policia ushtron kontroll në banesën e 57-vjeçarit, gjen dy armë dhe municion luftarak

0

Policia e Lezhës ka arrestuar 57-vjeçarin Vasil Kola, pasi gjatë kontrollit që i ka bërë në banesë i ka gjetur dy armë dhe municion luftarak. Ai është vënë në pranga dhe akuzohet “Mbajtja pa leje e armëve dhe municionit luftarak”.

Njoftimi i policisë:

Goditet një tjetër rast i mbajtjes pa leje të armëve të zjarrit dhe municionit luftarak. Finalizohet operacioni policor i koduar “Markatomaj”. Operacioni nga strukturat e DVP Lezhë, në bashkëpunim me Komisariatin e Policisë Lezhë.

Sekuestrohen 2 armë zjarri dhe municion luftarak, arrestohet në flagrancë poseduesi i tyre.

Në zbatim të planit të masave për evidentimin dhe ndëshkimin e personave që mbajnë armë zjarri pa leje, strukturat e DVP Lezhë, në bashkëpunim me Komisariatin e Policisë Lezhë, bazuar në informacionet e siguruara në rrugë operative, zhvilluan dhe finalizuan operacionin policor të koduar “Markatomaj”, në kuadër të të cilit u bë kapja dhe arrestimi në flagrancë i shtetasit:

V. K., 57 vjeç, banues në fshatin Markatomaj, Lezhë.

Gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan në cilësinë e provës materiale 1 armë zjarri automatik, 1 armë zjarri pushkë dhe 8 krehra me 232 fishekë luftarak.

Materialet iu referuan Prokurorisë së Rrethit Gjyqësor Lezhë, për veprën penale “Mbajtja pa leje e armëve dhe municionit luftarak”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu