Protesta e ditës së shtunë para Kryeministrisë, e organizuar nga Adriatik Lapaj ka pasur përplasje me forcat e policisë.
Protestuesit janë përleshur me efektivët, të cilët nuk lejojnë vendosjen e një gjeneratori aty.
Protestuesit janë përplasur fizikisht me uniformat blu, teksa pas kësaj Adriatik Lapaj është ndjerë keq dhe ka rënë në tokë.
Pasi iu dha ujë nga të pranishmit, u kërkua që të krijohej më tepër hapësirë në rrethin e krijuar.
Situata vijoi në fjalime për vijimin e protestës së tyre.
Prej disa ditësh, Lapaj është vendosur para Kryeministrisë dhe kërkon dorëheqjen e Edi Ramës, ndërsa u ka bërë thirrje njerëzve t’i bashkohen në këtë protestë.
