Qindra qytetarë nga katër njësi në Tiranë janë nisur drejt ambasadës amerikane në Tiranë ku do të protestojnë për shembjen e banesave të tyre.
Banorët nga Paskuqani, Lapraka dhe “5 Maji” preken nga disa projekte, ndër to edhe projekti i ndërtimit të Unazës së Madhe.
Një prej banorëve është shprehur se projekti për Unazën është devijuar për t’i hapur rrugë ndërtimit të një pallati nga një bizesmen i fuqishëm në Tiranë.
Qytetarët shprehen se dëmshpërblimi për banesat e shembura është i pamjaftueshëm. Ata nuk kanë pranuar të nënshkruajnë kontratat, siç është rasti i banorëve të “5 Majit”.
Më herët, banorëve iu bashkuan edhe disa deputetë të opozitës.
