Banorët e fshatit Piskovë në Permet kanë vazhduar protestën ditën e sotme në lidhje me ndërtimin e një landfilli për depozitimin e mbeturinave urbane në këtë fshat. Mësohet se banorët nuk e duan ndërtimin e një filiali për depozitim të mbeturinave në fshatin e tyre pasi, sipas tyre kjo gjë dëmton rëndë tokat e fshatit.
Me pankarta në duar, banorët janë shprehur se fillimisht për marrjen e vendimit për ndërtimin e landfillit duhet që të bëhej një dëgjesë publike së bashku me bnorët e fshatit. Ata kanë shtuar se autoritetet duhet që të marrin hapat e duhur për të anuluar ndërtimin e tij.
Kjo është hera e tretë që banorët e fshatit dalin në protestë në lidhje me ndërtimin e një vend depozitimi për hedhjen e mbeturinave.
