Bashkia sqaron se ndihmat në fjalë nuk janë ndihma për familjet me probleme ekonomike, por pajisje shkollore (banka) pajisje spitalore si eko e krevatë.
Bashkia e Pogradecit është distancuar nga ngjarja që ka për autorë punonjësit e kësaj zyre, të cilët vodhën pako me ndihma të dhuruara për qytetarët. Në një reagim për mediat, Bashkia Pogradec thotë se ky është një veprim i shëmtuar e se nuk përfaqëson institucionin. Bashkia kërkon nga autoritetet zbardhjen e plotë të ngjarjes. Në reagim shtohet se asnjë pajisje e dhuruar për spitalin, shkollat dhe kopshtet të cilat janë të gjitha të inventarizuara nga të dyja palët, Bashkia edhe përfaqësuesit gjermanë, nuk është cënuar. Bashkia sqaron se ndihmat në fjalë nuk janë ndihma për familjet me probleme ekonomike, por pajisje shkollore (banka) pajisje spitalore si eko e krevatë.
“Nisur nga një veprim i shëmtuar nga disa punonjës të Bashkisë Pogradec mbrëmjen e kaluar në lidhje me donacionet e sjella nga shoqata e motorristëve dhe kamionistëve gjermanë ju bëjmë me dije se: Bashkia Pogradec distancohet kategorikisht nga këto veprime të shëmtuara. Personat e përfshirë në këto veprime tashmë janë ndaluar nga policia dhe do të jenë organet e drejtësisë të cilat në mënyrë të pavarur do të japin vendimin e tyre mbi veprimin e kryer dhe ne i inkurajomë fort që të zbardhen plotësisht rrethanat e ngjarjes. Gjithashtu duam t’i bëjmë me dije bashkëqytetarëve tanë dhe opinionit publik se se asnjë pajisje e dhuruar për spitalin, shkollat dhe kopshtet të cilat janë të gjitha të inventarizuara nga të dyja palët, Bashkia edhe përfaqësuesit gjermanë, nuk është cënuar. Ditën e sotme është bërë i gjithë komunikimi dhe verifikimi i nevojshëm me donatorët të cilët jan larguar drejt Gjermanisë pak momente më parë edhe ata vetë pas verifikimeve, kanë konstatuar se të gjitha pajisjet e sjella dhe të inventarizuara janë të pacënuara. Edhe pse nuk kemi pajisje të përvetësuara, por vetëm disa maska dhe shtroje, veprimi i kryer është i shëmtuar dhe i dënueshëm. Duam të shpjegojmë gjithashtu se nuk kemi të bëjmë me ndihma për familjet me probleme ekonomike siç raportohet në media apo rrjete sociale, por me pajisje shkollore (banka) pajisje spitalore si eko, krevatë etj, të cilat po shpërndahen në insitucione sipas dakordësisë që është arritur me donatorët,”- thuhet në reagim.
Katër punonjës të bashkisë së Pogradecit kanë rënë në prangat e policisë pasi vodhën donacionet. Ata janë identifikuar si Reshit Fraholli; Raif Muçka; Bektash Xhudellari dhe Marsel Muçllari. Katër personat do të hetohen për veprën penale “Vjedhja e kryer duke shpërdoruar detyrën”, kryer në bashkëpunim.
