Ish deputeti Qani Xhafa ka reaguar për takimin e zhvilluar më 16 dhjetor në Elbasan me deputetin Ervin Salianji, duke theksuar se pjesëmarrja e tij ka qenë vullnetare dhe pa asnjë imponim. Ai deklaroi se, nëse vërtetohet me fakte se takimi është organizuar nga Suel Çela, do të jetë i pari që do të tërhiqet, ndërsa në të kundërt kërkoi mbështetje për të rinjtë në Partinë Demokratike. Xhafa mohoi çdo detyrim të pjesëmarrësve dhe theksoi se takimi shërbeu për aktivizimin e strukturave pas një periudhe letargjie të PD. Ai shtoi se në fokus të diskutimeve ishte edhe protesta e 22 dhjetorit kundër qeverisë.
Postimi i Qani Xhafës
Qani Xhafa Sqarim për opinionin publik në lidhje me takimin e z.Ervin Salianji në Elbasan datë 16 Dhjetor ora 18 00!
Të nderuar demokratë, anëtarë, simpatizantë të PD dhe mbarë opinionit publik, ju bëj me dije se dje pjesë e takimit me demokratët e Qarkut të Elbasanit isha dhe unë si një demokrat që nga viti 2005 ku kemi ndarë me ta të mirat dhe të këqijat e kësaj force politike!
Unë nuk jam detyruar nga askush që të marr pjesë në këtë takim por e pashë të arsyeshme se PD prej disa muajsh pas zgjedhjeve të 11 Majit 2025 ra në një gjumë letargjik që po e dëmtonte akoma më shumë!
Po kështu më gjeni një person anëtar partie, simpatizant apo çfardo, që ishte apo jo në takim, të prononcohet që ka qenë i detyruar nga dikush të marr pjesë, madje të brohorasë!
Ju bëj me dije se më janë zemëruar shumë demokratë që pse sna njoftove por koha ishte shumë e shkurtër vetëm dy ditë dhe e lamë në rrjedhë të lirë pjesmarrjen dhe për mendimin tim ishte takim shumë i mirë pasi kishte dhe shumë demokratë të rinj në forume drejtuese që janë e ardhmja e PD!
Për vetë profesionin që kam si Ing. mekanik i them Dr.Berishës nëse më bind me fakte që ai takim është bërë nga Suel Çela jam unë i pari që tërhiqem nëse është e kundërta duhet që të rinjtë të ecin përpara për të mundur regjimin e Edi Ramës!
Në atë takim u fol ndër të tjera edhe për protestën e 22 Dhjetorit që të jetë sa më e fuqishme për rrëzimin e kësaj qeverie!
Ju lutem të dëgjojmë zërin e çdokujt për të mirën e PDSH dhe për të mirën e Shqipërisë!
Me shumë respekt dhe mirënjohje Qani Xhafa!
