Në ambientet e Universitetit “Aleksandër Xhuvani ” në Elbasan , u promovua libri “Qeverisja e Shqipërisë gjatë Luftës së Dytë Botërore 1939-1944”, i historianit dhe ish-drejtorit të Arkivit të Shqipërisë, Gjet Ndoj.
Të pranishëm ishin figura akademike të qytetit dhe jo vetëm.Periudha gjatë viteve 1939-1944 është e përmbledhur në më shumë se 600 faqe të librit .
Libri sjell dokumente të pabotuara ndonjëherë që ndriçojnë rolin e nacionalistëve mitrovicas në ribërjen e Shqipërisë dhe zgjerimin e kufijve të saj. Një nga bazat kryesore për të shkruar këtë libër autori thotë se e ka patur nga arkivi qendror i shtetit ku vite me parë ai ka qenë edhe drejtues i saj.
Të pranishmit në promovim vlerësuan krijimtarinë voluminoze të historianit Ndoj, pasi sjell fakte dhe detaje mbi luftën e dytë botërore të papublikuara.Më tej shkon me analizën e tij historiani Roland Gjini teksa thekson se autori Ndoj hedh ide dhe përfundime të cilat nuk shkojnë paralel me historinë e publikuar.
Gjet Ndoj është autor i disa librave me tematikë historike e publicistike si: “E vërteta mbi shqiptarët ” Udha e shqiptareve, Gjeopolitika, Sistemi rrugor dhe Qytetërimi” Gjin Marku dhe Lufta” “Antologji Historike, Themele të ruajtura të një shtëpie europiane të shembur” “Arkivat shqiptare” etj.
