Afrimi i mbrëmjes ka rritur ndjeshë fluksin e automjeteve në rrugë.
Ka shkuar në disa kilometra radha e automjeteve që presin të hyjnë në qytetin e Elbasanit.
Fluks i rënduar mjetesh shihet në fund të autostradës, pranë rrethrrotullimit të Bradasheshit, ku për shkak të numrit të lartë të makinave që zgjedhin këtë qytet ose juglindjen e vendit për të kaluar festat, ka shkaktuar radhë të gjata kilometrike dhe orë të tëra pritje.
Po kështu radhë janë krijuar edhe te Kryqëzimi i Cërrikut dhe në disa akse të tjera në qytet.
