Edi Rama ishte sot në Durrës ku foli me përfaqësues të Bashkisë së Durrësit për Lungomaren e qytetit.
Teksa shihte projektin, kreut të qeverisë i lindi papritur dëshira që ta bëjë Durrësin si Dubai.
Ai tha se duhet bërë një shqiponjë në det siç është Palma në Dubai.
“Mendoj që duhet ta përgatisim edhe një kolpo ekstra ta bëjmë edhe një ndërhyrje në det siç është Palma, ta bëjmë një shqiponjë në det që të jetë zonë turistike, duhet të gjejmë një pikë dhe ta përgatisim një shqiponjë të madhe që të jetë e rindërtuar nga A-ZH.
Duhet ta bëjmë një shqiponjë në det që të duket nga ajri,” tha Rama.
