TIRANË-Ambasadori i Britanisë së Madhe, Alastair King-Smith është takuar sot me Kryeministrin e Shqipërisë Edi Rama.
Me anë të një njoftimi, Ambasada Britanike thotë se Rama dhe King-Smith kanë diskutuar për emigracionin e paligjshëm, ku Shqipëria mbetet një prej partnerëve tanë më të rëndësishëm në rang ndërkombëtar.
Po ashtu një tjetër temë e diskutimit ka qenë edhe mbështetjen e re e Mbretërisë së Bashkuar për Reformën e Drejtësisë.
“Ambasadori britanik, Alastair King-Smith, u takua sot me Kryeministrin e Shqipërisë Edi Rama për të theksuar partneritetin e palëkundur mes Shqipërisë dhe Mbretërisë së Bashkuar, duke përfshirë emigracionin e paligjshëm, ku Shqipëria mbetet një prej partnerëve tanë më të rëndësishëm në rang ndërkombëtar.
Ata diskutuan mbështetjen e re të Mbretërisë së Bashkuar për Reformën e Drejtësisë dhe përpjekjet kundër korrupsionit, duke përfshirë Policinë e Shtetit Shqiptar. Ata ranë gjithashtu dakord të vlerësojnë zgjerimin e partneritetit tregtar, si edhe në fushën e Mbrojtjes”, shkruan ambasada.
