Numri i të vdekurve nga sulmet me raketa ndaj Izraelit është rritur në tre, konfirmojnë zyrtarët dhe mediat izraelite.
Më herët gjatë ditës, ishte raportuar për dy viktima, por përditësimet e fundit e rrisin këtë bilanc tragjik.
Lideri i opozitës në Izrael, Yair Lapid, ka shprehur ngushëllimet e tij për familjet e tre viktimave, duke e përshkruar natën e kaluar si një “natë të vështirë për Shtetin e Izraelit”.
Forcat Mbrojtëse të Izraelit (IDF) kanë njoftuar se Forcat Ajrore janë të gatshme për të rifilluar sulmet ndaj objektivave brenda territorit iranian.
Në një deklaratë të përbashkët të dhënë më herët gjatë mëngjesit, Shefi i Shtabit të Forcave Ajrore të Izraelit, Gjeneral-lejtnant Eyal Zamir, dhe Komandanti i Forcave Ajrore, Gjeneral Major Tomer Bar, thanë:
“Rruga drejt Iranit është shtruar. Sipas planeve, avionët luftarakë të forcave ajrore do të fillojnë të kryejnë sulme ndaj objektivave në Teheran.”
