Policia e shtetit ka dhënë një përditësim të fundit në lidhje me situatën e reshjeve të dëborës në vendin tonë.
Sipas njoftimit të policisë, për shkak të reshjeve të dendura aksi rrugor bypass-Qafë Murrizë është bërë i pakalueshëm. Firma e mirëmbajtjes së kësaj rruge po punon për pastrimin e plotë nga bora dhe hapjen e saj për qarkullimin e lirshëm të automjeteve.
Sakaq, akset rrugore Peshkopi-Bulqizë; Peshkopi-Kukës; Bulqizë-Klos, janë të kalueshme vetëm me zinxhirë.
Policia apelon të gjithë drejtuesit e mjeteve që qarkullojnë në këto zona të mos lëvizin pa goma dimërore dhe zinxhirë dhe të shmangin lëvizjet e panevojshme dhe shpejtësinë e lartë.
Policia Dibër/ NjoftimPër shkak të reshjeve të dendura të dëborës, aksi rrugor bypass-Qafë Murrizë, aktualisht është bërë i pa kalueshëm. Firma e mirëmbajtjes po punon për pastrimin e plotë të borës nga rruga dhe deri në përfundim të punës së tyre, qarkullimi i mjeteve do të bëhet nga aksi i vjetër rrugor Klos-Burrel-Ulëz.
Akset rrugore Peshkopi-Bulqizë, Bulqizë-Klos; Peshkopi-Kukës, janë të kalueshme vetëm me zinxhirë.
Policia Rrugore apelon për drejtuesit e mjeteve që të mos qarkullojnë pa goma dimërore dhe zinxhirë, të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë.
Në rast nevoje për ndihmë, telefononi në numrin 112.
