Mjekë dermatologë, vendas dhe të huaj, u mblodhën në një seminar informues mbi rrezikun e trajtimeve në qendrat estetike.
Mjekja, Brunilda Bardhi tregon se një rrezik i shtuar janë trajtimet me lazer dhe ndërhyrjet në zonën e fytyrës, pa pasur një licencë përkatëse, duke shkaktuar në disa raste, edhe dëme të parikuperueshme te pacientët.
Sipas saj, inspektoratet përkatëse duhet të kenë një rol më të shtuar dhe të parandalojnë ofrimin e këtyre shërbimeve në qendrat që nuk kanë persona të licencuar për ta realizuar atë.
Ndarja e eksperiencave mes mjekëve vendas, por edhe ata të huaj, sipas ekspertëve shërben për një trajtim cilësor në të ardhmen për pacientët.
