Drejtori i shkollës 9-vjeçare në Tiranë ku një ditë më parë pati rrjedhje gazi dhe një inxhinier janë referuar në Prokurori për veprat penale shpërdorim detyre dhe shkelje e rregullave për lëndët djegëse plasëse dhe radioaktive.
Në përfundim të ekspertizës sipas grupit hetimor rezultoi se shkolla ka 2 depozita të cilat shërbejnë në sistemin e ngrohjes. Njëra prej tyre kishte pasur rrjedhje për shkak të tejmbushjes.
Si pasojë e rrjedhjes së gazit u evakuuan të gjithë nxënësit ndërsa 6 prej tyre përfunduan në spital. Një prej vajzave tha se e kishin ndjerë rrjedhjen e gazit që në orën e parë të mësimit por e kanë vijuar atë me dritare hapur pastaj kur gjendja është përkeqësuar iu është kërkuar të dalin jashtë për të pirë kafe.