DURRËS – Disa banorë dhe biznesmenë të Durrësit kanë dalë sot në protestë në autostradën Tiranë-Durrës, pasi nuk janë dakord me vendimin e ARRSH për mbylljen e akseve të rrezikshme brenda vendit, kokretisht të mbylljes së hyrje-daljeve në këtë autostradë.
Sipas tyre, mbyllja e hyrje-daljeve në autostradë duke filluar nga Maminasi për në Durrës, dëmton bizneset dhe i çon drejt falimentimit. Ata kërkojnë ose të bëhet rrugë dytësore nga Vora deri tek Ura e Dajlanit, ose të përcaktohen parametrat e hyrje-daljeve sipas standardeve rrugore dhe t’i lihet kohë biznesit për t’i rregulluar. Në këtë zonë ka mbi 20.000 punonjës dhe mbi 1000 bisnese, që rrugën e kanë jetësore për veprimtarinë e tyre.
