Mjekët kanë reaguar kundër një sfide të popullarizuar por ‘potencialisht vdekjeprurëse’ të TikTok ku personat që frekuentojnë palestrën marrin proteina pluhur para stërvitjes, pa e perzier me lëngun e parë.
Sfida, e quajtur ‘një lugë e thatë’, ka bërë xhiron në aplikacionin kinez të mediave sociale, pavarësisht se mund të shkaktojë një sërë problemesh.
Një studim i ri ka treguar se konsumimi i proteinave pluhur ashtu thatë shkakton mbytje, pneumoni, shqetësime të zemrës dhe probleme të tjera.
Një blogere 20-vjeçare e mediave sociale në Florida, e cila i konsumonte ato proteina, pohoi se kishte pasur probleme me zemrën.
Një tjetër postoi një video duke thënë se i kishte ndaluar fryma pasi i kishte përdorur.
Njerëzit që në përgjithësi janë të rinj, marrin një lugë protein pluhur dhe e kalojnë atë me disa gllënjka ujë ose dhe thjesht pa të.
Zakonisht luga e proteinës përzihet me ujë dhe konsumohet si pije.
Një shqetësim tjetër është se disa të rinj e përziejnë pluhurin me pije energjike dhe alkool.
Dhe më e keqja është se TikTok lejon fëmijët e moshës deri në 13 vjeç të hapin një llogari. Përdorimi i pahijshëm i proteinave pluhur, të cilat janë vetëm për të rriturit, mund të rezultojnë dhe në vdekje.
Gjetjet e studimit do të paraqiten gjatë Konferencës dhe Ekspozitës Kombëtare të Akademisë Amerikane të Pediatrisë 2021.
“Mund të jetë e vështirë për mjekët të identifikojnë tendencat e reja që mund të paraqesin rreziqe për shëndetin tek të rinjtë”, tha autori Nelson Chol nga Universiteti Princeton, Neë York.
Për studimin, Chol mblodhi 100 video TikTok nën hashtagun “#preworkout” dhe analizoi të dhënat si pëlqimet, mënyra e gëlltitjes, numri i racioneve dhe kombinimi i pluhurit me substanca të tjera.
Nga 100 videot e analizuara, numri i përgjithshëm i pëlqimeve ishte 259.773.000 dhe shkonte nga 112.300 në 1.700.000 për video.
Shqetësuese ishte se vetëm tetë nga videot përshkruanin përdorimin e saktë të pluhurave të stërvitjes.
Pavarësisht se është për përdorim nga njerëz vetëm 18 vjeç e lart, proteina pluhur është bërë gjithnjë e më popullore në mesin e adoleshentëve.
Këto lloj suplementesh thuhet se rrisin performancën e stërvitjes, por disa ekspertë thonë se ato mund të jenë të rrezikshme, veçanërisht nëse ato përdoren gabim.
“Pluhurat para stërvitjes zakonisht përmbajnë kafeinë së bashku me përbërës të tjerë si kreatina, aminoacidet dhe vitaminat”, tha shkencëtarja Bridget Benelam nga Fondacioni Britanik i të Ushqyerit, e cila nuk ishte e përfshirë në studim.
Nivelet e kafeinës në këto produkte ndryshojnë nga ekuivalenti i rreth një deri në tre filxhanë kafe.
“Pra, ekziston rreziku i konsumimit të tepërt të kafeinës, veçanërisht nëse përdorni më shumë se një herë në ditë, ose thjesht konsumoni pluhur, ku mund të konsumoni më shumë se sasia e rekomanduar”, tha ajo.
Përshtati: Gazeta “Si”
