Në Qarkun e Elbasanit para 1 muaji u shfaq Gripi i Shpendëve, ku rasti me i rëndë është identifikuar në fshatin Garunjë në Njësinë Administrative Karinë në bashkinë e Peqinit.
Me këtë rast Shërbimi Veterinar në Qarkun e Elbasanit kanë marrë të gjitha masat e duhura për asgjësimin e menjëhershëm të shpendëve të infektuar dhe të gjithë tufës .
Aktualisht ato janë asgjësuar për këtë shkak dhe është bërë edhe dezinfektimi i fermës dhe po mbahet në monitorim të rreptë e gjithë zona përreth. Shef i Shërbimit Veterinar për Qarkun e Elbasanit ,Fatmir Ozuni bëri me dije se kjo epidemi ende nuk është mbyllur dhe po bëhen cdo here kontrollet e nevojshme nga ana e Sherbimit Veterinar.
E përsa i përket fermerëve të prekur nga kjo situatë ende nuk janë subvencionuar nga shteti, pasi janë në pritje të përfundimit të kësaj epidemie.
Ndërkohë Shërbimi Veterinar i këtij qarku dhe fermerët janë duke bashkëpunuar me njëri-tjetrin duke u kujdesur për shpendët, duke u pajisur me certifikatën veterinare dhe fletën e analizave në këtë mënyrë për të larguar dyshimet e çdo qytetari që stepet për të blerë shpendët që tregtohen nga fermerët në zona të ndryshme të qarkut.
Infowebtv
