LUSHNJE-Një sherr mes dy adoleshentëve ka ndodhur në lulisheten e qytetit të Lushnjes. Policia bën të ditur se rreth orës 15:00, një qytetar nga Pluku ka goditur me thikë një 17-vjeçar nga Savra. Autori u largua nga vendi i ngjarjes, mirëpo u kap pak kohë më pas nga Policia. 17-vjeçari i plagosur ndodhet i shtruar në spital, në kujdesin e mjekëve. Grupi hetimor po punon për sqarimin e plotë të rrethanave të ngjarjes.
NJOFTIMI I POLICISË
Goditi me mjet prerës një shtetas 17 vjeç, kapet dhe shoqërohet në Polici, 15-vjeçari. Rreth orës 11:00, në lulishten e qytetit Lushnjë, pas një konflikti për motive të dobëta, një shtetas 15 vjeç nga Pluku, ka goditur me mjet prerës (thikë), një shtetas 17 vjeç nga Savra, dhe është larguar nga vendngjarja.
Pas ndjekjes nga shërbimet e Komisariatit të Policisë Lushnjë, u bë e mundur kapja dhe shoqërimi në Komisariat i 15-vjeçarit, me të cilin po kryhen veprimet në prani të avokatit dhe psikologut. U sekuestrua në cilësinë e provës materiale, thika me të cilën 15-vjeçari ka goditur 17-vjeçarin.
17-vjeçari ndodhet i shtruar në spital, në kujdesin e mjekëve. Grupi hetimor po punon për sqarimin e plotë të rrethanave të ngjarjes.
