17 prej 24 personave që u vunë në pranga më 20 prill janë lënë në masën ‘arrest me burg’. Vendimi është marrë sot në seancën e mbajtur në Gjykatën e Korçës. Klajdi Avramushi, Juxhin Kulla, Mateos Aliko, Olger Hasan, Rodolf Mara, Romeo Starovecka, Kristo Shkembi, Emanuel Muka, Joan Xhambazi, Musjano Ali, Kristi Ndoja, Ardian Micani, Arten Zallëmi, Elton Manka, Edjon Agolli, Nikolin Pulluqi dhe Letion Rënxa janë persona që janë vënë në pranga.
Për shtatë të tjerët Igor Mihali, Vasjan Shtambari, Sokol Haxhi, Andrea Bleta, Elton Adili, Andi Duka dhe Sajmir Suvaria pritet që të zhvillohet më vonë seanca për caktimin e masës së sigurisë.
Të gjithë akuzohen se janë pjesë e një grupi shpërndarësish droge në qytet. Pas pesë muaj hetime, grupi u shkatërruar më 20 prill në kuadër të një operacioni që u zhvillua në Korçë. Në kërkim janë shpallur shtatë persona, ndërsa po hetohen edhe edhe 110 persona.
