KOSOVË– Zëvendëskryeministri i Kosovës, Besnik Bislimi është shprehur se pushteti i presidentit serb Aleksandar Vuçiq po përdor mediat për të përhapur propagandë dhe lajme që nxisin frikën. Deklarata e numrit dy të Kosovës vjen pas asaj të ministrit të Jashtëm serb, Nikola Selakviq, se shqiptarët në Kosovë po përgatisin “ferrin”.
“Mbiprodhimi i artikujve të tillë të sponsorizuar nga qeveria në mediat serbe, është një ilustrim i përsosur se si qeveria ka frikësimin strategji kryesore në shfrytëzimin e turpshëm mediatik për përhapjen e panikut dhe promovimin e “akteve heroike” të udhëheqjes shtetërore”, shkruan Bislimi në Tëitter.
The overproduction of government sponsored articles like this in Serbian media, is a perfect illustration of fearmongering as the key govt strategy in shameles media exploitation for panic spreading and promotion of "heroic acts" of the state leadership.https://t.co/2qgE3l9nf7
— Besnik Bislimi (@BislimiBesnik) July 30, 2022
E gjithë kjo përplasje po zhvillohet kur ka ardhur afati i fundit për implementimin e vendimit të Qeverisë së Kosovës që serbët që kanë targa “KM” dhe të tjera t’i kthejnë në RKS, si dhe për dokumentet nga Serbia.
