Një vatër e madhe zjarri është aktivizuar në fshatin Derven të Krujës. Gazetari Ahmet Zani raporton se zjarri është përhapur në pyje me shkurre e pisha.
Flakët ende nuk paraqesin rrezik për banesa apo objekte. Për shuarjen dhe neutralizimin e zjarrit janë angazhuar dy zjarrfikëset e Krujës të ndihmuara dhe nga një zjarrfikëse e Durrësit.
Fatmirësisht janë jashtë rrezikut banesat përreth dhe po punohet për neutralizimin dhe shuarjen e flakëve.