BRITANI E MADHE– Zef Gjoni është dënuar me 19 vite burg në Britaninë e Madhe pasi goditi me thikë 29 herë bashkëshorten e tij në shtëpinë e tyre.
28 vjeçari tentoi të mbyste bashkëshorten Denisa Fuli me një batanije, mirëpo ajo mbijetoi. Më pas, ai e qëlloi me thikë 29 herë, duke e pyetur: A nuk ke vdekur akoma?
Gjykatësi Daniel Flahive tha se Gjoni e kishte planifikuar sulmin ndaj të shoqes. Gjyqtari deklaroi: “Ti përbën një rrezik të konsiderueshëm për të shkaktuar dëm serioz ndaj të tjerëve, veçanërisht atyre me të cilët jeni në një marrëdhënie intime, veçanërisht në momente stresi. Çfarëdo që e shkaktoi këtë në thelb nuk ishte aspak shumë. Ju në thelb e kishit këtë shpërthim dhune dhe kishte, më duket mua, një shkallë planifikimi.”
Gjoni i kishte thënë gruas së tij, e cila ka një vajzë të vogël në Rumani, “se sonte ajo do të vdesë‘ e se ai do të shkojë në burg, ose do të vdesë – dhe ajo do të shkojë në burg”, dhe ajo e pyeti nëse ai ishte çmendur. .
Pasi çifti kishte shkuar në shtrat, Fuli u zgjua dhe zbuloi se Gjoni e kishte lidhur me rripin e tij dhe i tha asaj se donte ta rrihte.
Prokuroria përshkroi sesi Gjoni e goditi vazhdimisht Fulin me 2 thika duke mbajtur nga një në secilën prej duarve të tij, përpara se ta mbyste me një jorgan dhe ta tërhiqte për ta pyetur: “A nuk ke vdekur akoma?.
