Këngëtarja Kosova Leonora Jakupi ka reaguar pas titujtve që iu bënë nga mediat serbe për këngën me tullin “Komandant”. Në videoklip, Jakupi shfaqet me kapuç me emblemën e UÇK-së ndërsa kënga u dedikohet pjesëtarëve të Ushtrisë Çlirimtare të Kosovës të cilët po mbahen në paraburgimin e Gjykatës Speciale në Hagë.
“Skandal: Këngëtarja shqiptare vendos një kapelë me shenjën UÇK dhe këndon për nder të terroristëve”, shkruan media serbe.
Këngëtarja ka reaguar duke e quajtur atë që ka bërë krenari dhe jo skandal, siç është përfolur në Serbi.
“Skandal jo por krenari. Terroristë jo por çlirimtar”, shkruan Jakupi bashkëngjitur me lajmin e medieve serbe.
