Jemi pothuajse një muaj para zgjedhjeve dhe fushata elektorale tashmë ka filluar.
Partitë politike po zhvillojnë takimet e tyre me qytetarët në çdo qytet të Shqipërisë. Është zgjedhja e qytetarëve të votojnë me 25 prill e pa u ndikuar nga askush.
Por në një rast mjaft indinjues e prekës vota tashmë nuk cilësohet e lirë por votë e kërcënuar. Punonjësi i Bashkisë së Kamzës përveç takimeve që ka bërë tashmë ka nisur edhe nga kërcënimet e madje nga ato më të ulëtat.
Ky punonjës ka ushtruar presion ndaj një familjeje me vendin e varrit të njërit prej pjesëtarëve të familjes.
Familjarët nuk kanë dashur të bëhet publike presioni dhe kërcënimi që zotëria në fjalë i ka bërë, por në moment që është përmendur varri i babit të fëmijëve të familjes të gjithë janë prekur dhe janë drejtuar redaksisë së InfoWebTv duke denoncuar këtë lajm tepër të hidhur.