Më 11 maj Shqipëria shkon në zgjedhje të përgjithshme.
Infoweb Media zhvilloi një sondazh me kandidatët e Partisë Socialiste për qarkun e Elbasanit.
Rezultatet tregojnë një garë të ngushtë mes kandidatëve kryesorë, duke reflektuar interesin dhe angazhimin e lartë të qytetarëve në këtë proces zgjedhor.
Nga 1419 votues që morën pjesë në sondazh rezutoi se kandidati Geldon Fejzo kryeson me 23% të votave, duke u pozicionuar si kandidati më i preferuar nga votuesit. Pas tij renditet Desantila Tahiraj me 21% të votave, e ndjekur nga Aulona Bylykbashi me 17%. Shkëlqim Bullari ka siguruar 13% të votave, ndërsa Agron Gaxho ka marrë 8%. Pjesa tjetër e votave është shpërndarë mes kandidatëve të tjerë në garë.
Këto rezultate pasqyrojnë një garë të fortë brenda Partisë Socialiste në Qarkun e Elbasanit, me disa kandidatë që gëzojnë mbështetje të konsiderueshme nga elektorati. Sondazhi i Infoweb Media ofron një pasqyrë të rëndësishme mbi prirjet e votuesve që mund të ndikojnë në strategjitë e fushatës së kandidatëve në vijim. Por gjithsesi vullneti përfundimtar do të shprehet me votën e lirë më 11 maj.
Është e rëndësishme të theksohet se sondazhet janë një mjet për të kuptuar opinionin publik në një moment të caktuar dhe se rezultatet përfundimtare mund të ndryshojnë në varësi të dinamikave të fushatës dhe pjesëmarrjes së votuesve në ditën e zgjedhjeve.
Deri më 11 maj kurba e sondazheve mund të ndryshojë dhe ne do ju njohim në vijimësi.
