Gert Shehut 31-vjeçarit që sulmoi dje kreun e PD Sali Berisha i është komunikuar masa e arrestit. Siç duket dhe nga foto e siguruar, Shehu me pranga në duar në spitalin e Traumës firmos deklaratën e tij.
Shehu nuk ka dhënë deklarime të plota, por ka thënë se do të flasë në një moment të dytë. Ndërkohë ngjarja e paprecedentë ndodhi në nisje të protestës së opozitës ditën e djeshme ku Shehu iu afrua Berishës dhe e qëlloi në fytyrë, duke e gjakosur.
Më pas ai u neutralizua nga truprojat e Berishës, të cilët më pas ia dorëzuan policisë.
