“Paketoj tritola” po bën namin në Tik Tok.
Kënga e “gjujtsit” Kleviol Ahmetit, që sot është në qelitë e burgut të Fierit ka rrjedhur në Youtube përmes profileve pirate dhe brenda ditës u shndërrua në ritmin e preferuar të mijëra djemve dhe vajzave në rrjetet sociale.
Sezoni sapo ka nisur, por Kleviol Ahmeti është nga sot reperi më i klikuar i verës, për shkak të përplasjes me Noizy-n dhe stilit të tij “gango”.
Lokali i Noizy-t u hodh në erë nga një sasi tritol në orën 04:00 të mëngjesit të së martës, kur Kleviol Ahmeti ishte në burg.
Në dëshminë që dha në polici, Rigels Rajku tha se nuk kishte asnjë konflikt tjetër veç atij me Cllevion.
Ky e kishte parathënë shpërthimin me tritol në tekstin e këngës së tij të fundit. Tek hiti që po qarkullon kudo në rrjetet sociale dhe që doli kur Klevioli ishte në burg, ai shkruan:
“Arrest shpie bunker full me buza
Gangon e Shqipris hhh dominusa
Vizita surpriza, çunat i kam gjujtsa
Probleme me Noizyn? Hhh buza!
Ça po thu ti? Paketoj tritola!”
Dhe në fakt ashtu ndodhi. Siç e thotë Cllevio në tekst, sherri me Noizy-n përfundoi me shpërthim tritoli. Vetë Kleviol Ahmeti është i përjashtuar nga dyshimet, por miqtë e tij duket se nuk e lanë të kalonte lehtë sherrin me grushta.
