Kjo masë disiplinore ishte paralajmëruar më herë për çdo avokat që thyen nismën e marrë nga i githë grupi.
Nexhip Dauti është pezulluar nga puna për tre ditë pasi ka thyer bojkotin. Vendimi është marrë sot nga Dhoma e Avokatisë, pasi Dauti ka thyer bojkotin e marrë përsipër nga avokatët.
Kjo masë disiplinore ishte paralajmëruar më herë për çdo avokat që thyen nismën e marrë nga i githë grupi. Nesër në orën 11:00 është paralajmëruar protesta e avokatëve para Këshillit të Lartë Gjyqësor për hartën e re gjyqësore.
Dhoma e Avokatisë ka nisur bojkotin e seancave gjyqësore për të gjitha shkallët e gjyqësorit. Shkak është bërë Harta e re gjyqësore. Sipas hartës së re, vendi do të ketë 13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Nga gjashtë gjykata administrative të shkallës së parë do të mbeten dy, një në Tiranë dhe një në Lushnjë.
