Dy vëllezërit, Enejdi Laçi dhe Erildi Laçi, ishin mes viktimave të aksidentit tragjik që ndodhi gjatë natës në Fushë Prezë.
Nga kjo ngjarje e rëndë humbën jetën edhe afërmi i tyre nga Borizana e Krujës, Andi Laçi, si dhe Enrikejd Kurti.
Aksidenti ndodhi afër mesnatës, kur makina me të cilën udhëtonin të rinjtë u përplas me një betoniere dhe më pas u përfshi nga flakët.
Për fat të keq, askush nga të rinjtë nuk mundi t’i shpëtonte kësaj tragjedie.
Publikohen fotot e dy vëllezërve të ndjerë, duke sjellë dhimbje dhe trishtim në komunitetin e tyre.
