Nga Emi Kalaja, Shkodër
Dy shpërthime të fuqishme kanë ndodhur gjatë natës në Shkodër.
Objekti i parë ku ndodhi shpërthimi është në zonën e Pedonales, afër Prefekturës së Shkodrës. Mësohet se ky objekt është në pronësi të ish-kandidatit për Kryetar Bashkie, Xhemal Bushati.
Ndërsa shpërthimi i dytë është vendosur në një nga linjat e supermarketeve. Ngjarja ka ndodhur në zonën e njohur si ‘Rruga e Gjërë’, pranë stadiumit.
Shpërthimet kanë ndodhur në një hark kohor brenda 10 minutash.
Shpërthimi i parë është dëgjuar rreth orës 02:20 dhe vetem pas 10 minutash është dëgjuar tjetri.
Raportohet vetëm për dëme materiale. Policia dhe grupi hetimor po punojnë për identifikimin e autorëve.
