Bukuroshja flokëkuqe ishte në faqet e para të gazetave kur u arrestua në SHBA për spiunazh dhe u lirua më pas në kuadër të shkëmbimit të spiunëve Rusi-SHBA, për t’u bërë akoma më e famshme në vendin e saj.
Chapman ishte martuar me britanikun Alex Chapman prej katër vjetësh pasi e kishte njohur në një festë në Londër në 2010.
Pas arrestimit të saj në New York ajo u bashkua me publicistin Max Clifford për të shitur historinë e saj në shtyp.
Zoti Chapman tha se nuk ishte “i surprizuar” nga arrestimi i gruas së tij, teksa pretendonte se babai i Anna, Vasily Kushchenko, kishte qenë një zyrtar i lartë në KGB dhe kishte pasur “influencë të madhe” mbi të.
Zoti Chapman tha për të përditshmen britanike ‘Daily Telegraph’: “Ai nuk i kishte besë askujt. Më pyeste mua se përse kisha zgjedhur një nuse ruse, dhe se çfarë pune kisha në Rusi. Unë i thashë se nuk kam asnjë punë, por ishte e frikshme. Ai nuk më prezantonte asnjëherë me njerëz që vinin në shtëpi, prandaj dhe kur ajo u arrestua si e dyshuar për spiunazh, nuk u habita.”
Anna ka qytetari britanike prej martesës së saj me Chapman, por i është revokuar pas arrestimit të saj.
Me arrestimin e saj, kokëkuqja fitoi popullaritet të madh në vend, si për ‘patriotizmin’ ashtu dhe për pamjen e saj joshese. Por tashmë duket se ka hequr dorë nga profesionet e rrezikshme duke u kthyer në modele fillimisht dhe më pas në prezantuese televizive.
Anna është shfaqur në kopertinën e versionit rus të revistës Maxim në të brendshme provokuese, madje është përfshirë në listën e 100 grave ruse më ‘seksi”.
Anna është shfaqur gjithashtu si modele pasarele në Javën e Modës në Rusi, ndërsa aktualisht është prezantuese televizive për rrjetin pro-Kremlin, REN TV.