Të tjera detaje dalin në dritë në lidhje me arrestimin e 4 personave sot me urdhër të SPAK.
Kujtojmë se mes 4 të arrestuarve është dhe drejtuesi i Prokurorisë së Vlorës, Aurel Zarka.
Nga burimet për media bëhet me dije se 4 personat e akuzuar dhe që ndodhen pas hekurave, konkretisht Eriona Daupaj, magjistrate në Shkollën e Magjstraturës, ish-oficere e Policisë Gjyqësore në Prokurorinë e Krimeve të Rënda dhe hetuese në BKH, avokati Radovan Çela si dhe Astrit Vladi dyshohet se kanë abuzuar me detyrën për një procedim penal.
Ndër të tjera mësohet se ka qenë pikërisht zbërthimi i aplikacionit Sky Ecc, që ka zbuluar se këta persona kanë komunikuar aty në lidhje me procedurën penale në fjalë, që ka rezultuar në shkelje.
Ende nuk ka një reagim nga SPAK për këtë aksion si dhe detajet që çuan pas hekurave 4 personat e sipërcituar.
