Hedhësja e çekiçit Alegna Osorio ka humbur jetën si pasojë e dëmtimeve në kokë që pësoi gjatë një incidenti, teksa ishte duke u stërvitur. Lajmi për humbjen e 19-vjeçares u bë me dije nga Instituti Kombëtar i Sportit Kuban.
“Ne ndajmë dhimbjen e padurueshme me familjen e saj”, tha Osvaldo Vento, presidenti i Institutit Kombëtar të Sportit në Kubë.
Osorio u godit aksidentalisht në kokë me çekiç në stadiumin olimpik në Kubë në prill, por fatkeqësisht nuk mundi dot t’i përballojë plagët e rënda dhe si pasojë ka ndërruar jetë.
19-vjeçarja Osorio ishte pjesë e Lojërave Olimpike për të rinj dhe u rendit e katërta në Buenos Aires në vitin 2018 dhe mori medalje bronzi në kampionatet Pan-Amerikane nën 20 vjeç, dy vite më parë.