DURRËS – Policia e Durrësit ka arrestuar ditën e sotme 2 persona sepse tentuan të futeshin për të vjedhur në shtëpinë e një 38-vjeçari në Krujë. Një tjetër person, i cili mendohet se i ka ndihmuar në një vjedhje të mëparshme, është në kërkim.
Kjo nuk është hera që parë që ata vjedhin pasi në 11 tetor të këtij viti, bashkë me një person tjetër që i ka ndihmuar, ishin futur në kabinën elektrike që furnizonte me energji biznesin e A.M, një 50-vjeçari nga Fushë-Kruja dhe kishin vjedhur disa materiale elektrike.
Njoftim i Policisë:
Vihen në prangat e Policisë 2 shtetas dhe shpallet në kërkim 1 tjetër, për vepra të ndryshme penale. Specialistët për Hetimin e Krimit në Komisariatin e Policisë Krujë arrestuan në flagrancë shtetasit:
S. M., 25 vjeç dhe P. P., 26 vjeç, banues në Fushë Krujë. Pas një telefonatës nga një qytetar, për vjedhje në banesë, menjëherë shërbimet e Policisë Krujë kanë organizuar punën dhe falë veprimeve të shpejta kanë kapur në flagrancë këta shtetas duke vjedhur në banesën e shtetasit K. M., 38 vjeç, banues në Fushë Krujë.
Gjithashtu dyshohet se këta shtetas, na bashkëpunim me një shtetas tjetër, i cili është shpallur në kërkim, janë autorë të ngjarjes së ndodhur më datë 11.08.2021, në lagjen Hasan, Fushë Krujë, ku kanë vjedhur materiale në kabinën elektrike që furnizon biznesin e shtetasit A. M., 50 vjeç, banues në Borizanë, Fushë Krujë.
