Mbrëmjen e djeshme në spektaklin e “Big Brother VIP3” ka hyrë një banor i ri, i cili është Lidi Delia. Ai u prezantua si ‘vëllai’ i Heidi Bacit, pasi kjo e fundit është në një mision sekret nga Vëllai i Madh.
Në videon prezantuese, Libi tregon se ka jetuar në Tiranë, por prej 10 vitesh jeton në Prishtinë dhe është babai i dy fëmijëve.
E teksa ka hyrë në shtëpinë më të famshme në Shqipëri, ai ka hyrë menjëherë në rol, duke bërë fiks si ‘vëllai’ i Heidit, ku mundohet që të bindë Romeo Veshaj dhe banorët e tjerë për këtë.
Libi i thotë atyre se është vëllai i saj i madh që nuk e ka takuar prej vitesh, madje Heidi nuk ia njeh as fëmijët.
Në momentin që hyri në shtëpinë e BBV3, Lidi për ta bërë më të besueshme shkoi takoi menjëherë Romeon, i cili u emocionua.
Në një bisedë mes Romeos dhe Lidit pasi përfundoi spektakli, aktori i njohur i thotë se “përderisa është vëllai i Heidit, tashmë është edhe vëllai i tij”.
Pjesë nga biseda:
Romeo: Të të them një gjë si fillim unë, nuk e di historinë tuaj sepse unë dje e mora vesh, nga momenti që je vëllai i Heidit, je vëllai im. Shpresoj shumë që ti zgjidhni gjërat me njëri-tjetrin. Unë do doja që ti këtu të ishe rehat.
Lidi: E shikoj Heidin goxha në siklet, kam menduar që nuk do më takojë fare, por nuk është qëllimi im të dal këtu dhe të pastrohem si Lidi.
