MAT- Një ngjarje e rëndë ka ndodhur në fshatin Urakë të rrethit të Matit ku një 15-vjeçar ka ndërruar jetë pasi është rrëzuar nga një vend i thepisur.
Sipas njoftimit të policisë, ngjarja ka ndodhur në zonën e quajtur “Stallat e gjakrosës”, buzë lumit të fshatit ku për pasojë ka ndërruar jetë në vend.
Ndërkohë është ngritur një grup hetimor për të hetuar rrethanat dhe shkaqet e ngjarjes.
Njoftimi i policisë:
Mat/informacion paraprak
Në vendin e quajtur “Stallat e gjakrosës”, buzë lumit të fshatit Urakë, shtetasi G. K.,15 vjeç, dyshohet se është rrëzuar aksidentalisht nga një vend i thepisur dhe për pasojë ka humbur jetën.
Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes.