Lulzim Cami, personi që shihni në foto është 69-vjeçari që u vra nga vëllai i tij Vehap Cami.
Ngjarja e rëndë ka ndodhur në shtëpinë e 69-vjeçarit i cili pas prishjes së shtëpisë së tij nga tërmeti, jetonte me qira në zonën e Freskut në Tiranë.
Mëngjesin e djeshëm, vëllai i tij Vehapi i kishte shkuar në shtëpi. Pasi nusja e djalit u kishte shërbyer kafe, ata kishin nisur të debatonin dhe në debat e sipër 63-vjeçari Vehap Cami ka vrarë vëllain dhe më pas veten e tij.
Ka dyshime se shkak për ngjarjen e rëndë është bërë një pronë në fshatin Tërbaç të Bulqizës.
Familjarët e viktimave do merren në pyetje për rrethanat e ngjarjes së rëndë dhe motivin e krimit.
