EUROPË- ‘Sëpata’ e sanksioneve të UEFA-s godet klubet italiane. Seksioni i parë i Trupit të Kontrollit Financiar të Klubeve të organit drejtues të futbollit europian ka zyrtarizuar në fakt marrëveshjet me 8 klube që nuk respektuan kërkesat e normës së barabartë në periudhën 2018-2022, duke shkelur kështu rregullat e Fair Play Financiar.
Juventus, Inter, Milan, Roma, si dhe Monaco, Beskitas, Olympique Marseille dhe PSG (klubi më i sanksionuar nga të gjithë). Të gjitha klubet do të duhet të paguajnë një gjobëdhe më pas do të duhet të respektojnë një plan shlyerjeje.
Milan komentoi menjëherë sanksionet e UEFA-s: “Vendimi i Trupit të Kontrollit Financiar të Klubit të UEFA-s dëshmon për vlefshmërinë e vizionit strategjik që udhëheq punën e klubit tonë. Ne do të vazhdojmë me besim në rrugën e virtytshme drejt qëndrueshmërisë financiare, në përputhje me indikacionet e FFP-së, duke u angazhuar me disiplinë dhe qëndrueshmëri për të arritur ekuilibrin dhe sinergjinë perfekte midis rezultateve sportive dhe financiare: një objektiv që e gjithë bota e futbollit duhet të vazhdojë ta ndjekë”.
