Një ngjarje tragjike ka ndodhur në SHBA, ku një grua është hedhur nga ujvara e Niagarës së bashku me fëmijën e saj 5 vjeç.
34-vjeçarja, emri i të cilës nuk është bërë i ditur besohet se është hedhur qëllimisht.
Djali 5-vjeçar arriti të shpëtonte dhe u dërgua në spitalin e fëmijëve në Buffalo me një dëmtim në kokë, por nëna e tij nuk ia doli të mbijetonte.
Menjëherë pas tragjedisë 5-vjeçari është dërguar me helikopter në spital.
Ende nuk dihet arsyeja e ngjarjes tragjike, ndërsa policia ka marrë në pyetje bashkëshortin dhe familjarë të saj.
