Policia po heton ngjarjen e rëndë të ndodhur në Greqi mbrëmjen e sotme ku 4 shqiptarë u gjetën të vrarë brenda banesës.
Ngjarja tragjike ndodhi në afërsi të Pirgos në veri të Peloponezit. Identeti i tyre nuk është bërë ende publik.
Sipas policisë, dy janë pistat e hetimit. E para ajo e krimit brenda familjes, ku pas një sherri bashkëshorti ka ekzekutuar bashkëshorten e tij dhe dy fëmijët e mitur të familjes ose pista e vrasjes me autor të mundëshëm ish-bashkëshortin e viktimës, i cili ka ekzekutuar ish-bashkëshorten, fëmijet dhe bashkëshortin dhe më pas është larguar nga vendngjarja.
Policia tha se po kërkon një shtetas shqiptar për ta marrë në pyetje,por ende nuk ka mundur ta gjejë.
