Gjykata e Vlorës ka vendosur ditën e sotme masën e sigurisë burg pa afat për Skerdian Grabanin, i cili u dorëzua pak ditë më parë, pasi ishte shpallur në kërkim si i përfshirë në vrasjen e Tauland Beqirajt.
Drejtësia e akuzon se 36-vjeçari është i dyshuar si bashkëpunëtor i Hansi alias Andi Jonuzajt i arrestuar më parë nga policia, si autor i dyshuar në këtë ngjarje. Ngjarja ndodhi në datë 3 mars në rrugën Transballkanike në afërsi të Gjykatës së Apelit në Vlorë.
31-vjeçari që mbeti i vdekur nga plumbat ishte djali i një ish-punonjësi policie dhe njihej si person me rekorde kriminale. Mes tij dhe autorëve ka pasur një debat në distancë dyshohet për çështje borxhi.
