Tiranë- Një ngjarje e rëndë u shënua mbrëmjen e kaluar në Mallakastër.
Forca të shumta policore janë në kërkim të 30-vjeçarit, Mariglen Muhametaj i cili ka qëlluar me sende të forta babanë e tij 73- vjeçar mbrëmjen e klauar në fshatin Greshicë.
Kryetari i fshatit, Kastriot Hysenaj, tregon se 30-vjeçari, megjithëse vuante nga probleme të shëndetit mendor, nuk njihej si njeri problematik teksa thekson se i riu ishte njeri i qetë dhe i mbyllur në vetvete.
Ndërkohë vijon krehja e zonës për gjetjen e të riut i cili është larguar menjëherë pas ngjarjes së rëndë në drejtim të paditur, edhe pse mendohet të jetë fshehur në këtë zonë.
