Ka mbërritur zyrtarisht në Gjykatën e Tiranës për gjykim dosja në ngarkim të efektivit të Komisaristit Nr 3 Ludjan Zaimi i cili ekzekutoi në ambientet e punës kolegun e tij Çaush Saliasi.
Prokuroria i ka përfunduar hetimet disa javë më parë, ndërsa iu la kohë avokatëve të paraqesin kundërshti, para se dosja të dërgohet në seancë paraprake. Mbrojtja pretendon se efektivi i policisë nuk është vrarë për shkak të detyrës, por për shkaqe personale duke argumentuar se ata kanë qenë kolegë.
Ndërkohë mësohet se mbrojtja ka paraqitur edhe argumenta sa i përket trajtimit të klientit të tyre me medikamente pasi vuante nga çrregullimi të shëndetit mendor, gjë e cila është provuar pjesërisht edhe nga ekspertiza që i është bërë Zaimit.
Ngjarja e rëndë ndodhi mbrëmjen e 23 majit brenda Komisariatit nr.3. në Tiranë, teksa po ndërroheshin turnet dhe në sallë ishin kolegët e tjerë.
Zaimi duket se e kishte të qartë shënjestrën e tij ndaj i bëri thirrje efektivëve të pranishëm që të mos ndërhynin dhe në fakt ashtu ndodhi, askush nuk ndërhyri.
