Zhbllokohet Prishtina, arrihet marrëveshja e koalicionit mes dy partive, gati për të zgjedhur kryetarin e Kuvendit Komunal

0

Lidhja Demokratike e Kosovës dhe Partia Demokratike e Kosovës janë pajtuar për koalicionin në Komunën e Prishtinës.

Express mëson se koalicioni është arritur por kanë mbetur edhe disa çështje për t’u definuar. Sot në Komunën e Prishtinës pritet të zgjidhet kryesuesi i Kuvendit Komunal. Lidhja Demokratike e Kosovës, në krye me kryetarin e Komunës së Prishtinës, Përparim Rama, si partia fituese nuk i ka numrat për ta zgjedhur e vetme kryesuesin e Kuvendit Komunal.

Për këtë, LDK’së i duhen koalicionet meqë në zgjedhjet për asamble komunale ka arritur që të sigurojë 14 vende, që janë të pamjaftueshme për ta zgjedhur kryesuesin.

Me ç’rast për ta zgjedhur kryesuesin, LDK-së i duhet të paktën 12 vota nga subjektet tjera politike. Kujtojmë që më 7 dhjetor, Përparim Rama mori detyrën e kryetarit të Prishtinës, nga ish-kryetari i Shpend Ahmeti.

Sipas Ligjit për Qeverisje Lokale, kryesuesi duhet të zgjidhet brenda 30 ditëve pas betimit të anëtarëve të Kuvendit Komunal.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu