Një zjarr i përmasave të mëdha ka rënë sot në lagjen Qafëhardhi në qytetin e Shkodrës pranë tregut.
Forca të shumta zjarrëfikëse janë drejt vendit të ngjarjes.
Zjarri siç duket edhe nga fotot e siguruara nga Noa.al zjarri duket i përmasave të mëdha, ndërkohë që nuk raportohet për të lënduar.
Flakët kanë përfshirë një banesë në tregun e rrobave të përdorura të qytetit të Shkodrës.
Policia njofton se po bëhen përpjekje për të evakuuar banorët e shtëpive përreth banesës ku ka rënë zjarri.
‘Rreth orës 18:55, në lagjen “Ndoc Mazi”, në një treg me rroba të përdorura ka rënë zjarr. Zjarrfikësit së bashku me policinë menjëherë kanë shkuar në vendngjarje.
Shërbimet e Policisë po bëjnë evakuimin e banorëve nga banesat që rrezikohen nga zjarri. Zjarrfikësit po punojnë intensivisht për shuarjen e zjarrit Grupi hetimor nën drejtimin e Prokurorisë po punon për zbardhjen e shkakut të rënies së zjarrit.’, njofton policia.
