VLORË- Një banesë është përfshirë nga flakët ditën e sotme. Ngjarja ka ndodhur në lagjen ‘Rilindja’ në Vlorë. Fatmirësisht, nga zjarri nuk ka pasur persona të lënduar pasi forcat zjarrëfikëse kanë mundur që të nxjerrin në kohë nga banesa të moshuarin, Tare Sejdiun që ishte brenda.
Flakët e zjarrit kanë krijuar shumë dëme materiale. Policia, forcat zjarrëfikëse dhe grupi hetimor ndodhen në vendin e ngjarjes.
