Një incident i paprecedentë ka ndodhur në Strasburg të Francës.
Mediat e huaj shkruajnë se janë përfshirë nga flakët pajisjet që ruajnë të dhënat për kompaninë OVH.
Kjo kompani funksionon si hostues i disa mediave online edhe në vendin tonë.
OVHcloud, i cili të hënën kishte nisur procesin për një IPO të mundshëm, u kërkoi klientëve të aktivizojnë planet e tyre të rikuperimit të katastrofave.
“Zjarri shkatërroi SBG2. Një pjesë e SBG1 është shkatërruar. Zjarrfikësit po mbrojnë SBG3. Asnjë ndikim SBG4. Ne nuk kemi qasje në sit. Kjo është arsyeja pse SBG1, SBG3, SBG4 nuk do të rinisen sot”,- tha Shefi Ekzekutiv Octave Klaba në Twitter në lidhje me njësi të ndryshme që strehojnë serverat.
Qendra e të dhënave në Strasburg është një nga 17 qendrat e të dhënave të OVHcloud në Francë, nga 32 globalisht.
E themeluar nga Klaba në 1999, OVHcloud është ofruesi më i madh i shërbimeve me re në Evropë, duke konkurruar kundër gjigantëve amerikanë Amazon Ëeb Services, Azure të Microsoft dhe Google Cloud, të cilat dominojnë në treg.
Politikanët francezë e kanë përkrahur OVHcloud si një alternativë të mundshme ndaj ofruesve të shërbimeve cloud në SHBA, por deri më tani i ka munguar shkalla dhe ndikimi financiar për të dëmtuar pjesën e tyre të tregut.
Klaba tha që zjarri kishte mbaruar dhe se të gjithë punonjësit ishin të sigurt.
